उत्तर र दक्षिण कोरियाबीच यस्तो सहमति !

एजेन्सी, २६ पुस – सीमा क्षेत्रको तनाव अन्त्यका लागि छलफल गर्न दुई कोरिया तयार भएका छन् । उत्तर कोरिया र दक्षिण कोरियाका सेना सीमा क्षेत्रमा रहेको तनाव अन्त्यका लागि छलफल गर्न तयार भएका हुन् ।

दुई कोरियाबीच पछिल्लो दुई वर्षमा पहिलो पटक भएको उच्चस्तरीय वार्तामा सीमा क्षेत्रको तनाव अन्त्यका लागि वार्ता गर्ने सहमति भएको हो । उच्चस्तरीय वार्तामा उत्तर कोरियाले आगामी फेब्रुअरीमा दक्षिण कोरियाको प्योङचाङमा हुने विन्टर ओलम्पिकमा आफ्ना खेलाडीसहितको टोली पठाउन सहमत भएको थियो ।

दुई कोरियाका अधिकारीहरुबीच दुई वर्षअघि बन्द गरिएको सैन्य हटलाई फेरि सुरु गर्ने सहमति पनि भएको दक्षिण कोरिया सरकारले जनाएको छ । संयुक्त राष्ट्रसंघले दुई कोरियाबीच भएको छलफलको स्वागत गरेको छ ।

Top